आई दिसली की -
ईश्वराचं मूर्त रूप साकार व्हायचं
अन् अंतरात्मा फोटोग्राफर व्हायचा...!
आई रुसली की -
आपलं बोट धरून चालणारं जीवन
वाटायचं
यात्रेत हरवलेल्या अजाण मुलासारखं...
आई असली की -
दिवा नाही लावला तरी
उजेड कधी फितूर व्हायचा नाही
घराशी...अंगणाशी...
आई हसली की -
तिच्या चेहऱ्यावरच्या सुरकुत्या
वाटायच्या
स्वर्गाचा प्रमाण-नकाशा!
- नजीम खान, चिखली (जि. बुलडाणा)
No comments:
Post a Comment